पीएसजीद्वारा सेल्टिक ७-१ गोलले पराजित
कपन अनलाइन
काठमाडौं, ७ मंसिर । च्याम्पियन्स फुटबल लिग अन्तर्गत बुधबार राति भएको खेलमा पेरिस सेन्ट जर्मेनले सेल्टिकलाई ७–१ ले हराउँदै शानदार जित हात पारेको छ ।पेरिसको जितमा नेयमार र काभानीले दुई- दुई गोल, एमबापे, मार्को भेराटी, र ड्यानीएल आल्भेसले एक एक गोल गरे। खेलको पहिलो मिनेटमा मौसा डेम्बेले गरेको गोलले सेल्टिकले अग्रता लिएको थियो । तर, यो लामो समय टिक्न सकेन ।
नवौं मिनेटमा नेयमारले बराबरी गोल गरे । २२ औं मिनेटमा दोस्रो गोल गरेका उनले काभानीले गोलको पास मिलाए । एमबापेले ३५ औं मिनेटमा गोल गरेपछि घरेलु टोली पहिलो हाफमा ४–० को अग्रता लिन सफल भयो ।
दोस्रो हाफमा ५ मिनेटभित्र मार्को भेराटी, काभानी र ड्यानी आल्भेसले गोल गरे । यो च्याम्पियन्स लिगमा पीएसजीको अहिलेसम्मकै ठूलो जित हो । यसअघि उसले सेल्टिकमामथि नै ५–० को जित निकालेको थियो । समूह बीबाट पीएसजीसँगै बार्यन म्युनिख अन्तिम १६ मा पुगिसकका छन् तर, सेल्टिकलाई तेस्रो हुने अवसर छ ।
