ओखलढुंगा प्रजातान्त्रिक आन्दोलनको पवित्र भुमि हो :विनोद चौधरी

कपन अनलाइन 

ओखलढुंगा ,मंगसिर ७

उद्योगपती विनोद चौधरीले ओखलढुंगा जिल्ला  नेपालको प्रजातान्त्रिक आन्दोलनको पवित्र भुमि रहेको बताएका छन ।नेपाली कांग्रेसको आम सभालाई सम्बोधन गर्दै उनले ओखल ढुंगा जिल्लामा पर्यटन ,कृषि र शैक्षिक विकासको लागि आफु व्यक्तिगत रुपमा समेत लाग्ने बताएका थिए । चौधरीले ओखल ढुंगा जिल्ला प्रतिनिधि सभाका उम्मेदवार रामहरी खतिवडालाई जिल्ला को ५ वर्षे गुरु योजना बनाउन अनुरोध गर्दै त्यसको कार्यन्वयनमा आफुले योगदान दिने आस्वासन दिएका थिए ।

खतिवडालाई आफ्नो नेता भन्दै  कांग्रेसको योगदानको कदर गर्न र सहिदको सपना पुरा गर्न पनि ओखलढुंगा जिल्लाको विकास हुनु पर्ने र त्यसको नेतृत्व खतिवडाले गर्नुपर्ने  बताएका छन । चौधरीले नेपालको विकास गर्न नेपाली कांग्रेसले बहुमतको सरकार बनाउनु पर्ने बताएका थिए ।