पशुपति बृदाश्रममा डा. राजन भट्टराई ,नागरिकताको लागि पहल गर्ने आस्वासन

कपन अनलाइन 

काठमाडौ,मंग्सिर ३।

बाम गठवन्धनको तर्फ बाट काठमाडौं क्षेत्र नं ४ मा प्रतिनिधि सभाका लागि उम्मेदवार डा.राजन भट्टराई आज घर दैलोको क्रममा पशुपतिमा रहेको बृदाश्रम पुगेका छन । त्यहा डा. राजन भट्टराईले जेष्ठ नागरिक बाट आशिर्वाद लिएका थिए भने उनले जेष्ठ नागरिकहरुका समस्याका वारेमा पनि जिज्ञासा राखेका थिए ।सो अवसरमा भट्टराईले आश्रमको अवस्था को वारेमा कार्यालय प्रमुख संग जानकारी लिएका थिए।

डा. भट्टराई संगको भेटमा जेष्ठ नागरिकहरुले आफुले नागरिकता नपाएकोले राज्यले दिने सुविधा लिन बाट बन्चित भएको बताएका थिए । भट्टराईले जेष्ठ नागरिकको चिन्ता एमालेले सधै गरेको र यो समस्याको वारेमा पनि सम्बन्धित निकायमा पहल गर्ने आश्वासन दिएका थिए । उनि संगै सो भेटघाटमा काठमाडौं क्षेत्र नं ४ प्रदेस क्षेत्र १ का उम्मेदवार निर्मल कुइकेल पनि सहभागी रहेका थिए ।

फोटो सौजन्य : उज्वल उपाध्याय