डा. राजन भट्टराई चुनिखेलमा

कपन अनलाइन 

काठमाडौ,कार्तिक २७

काठमाडौं क्षेत्र नं ४ मा बाम गठवन्धनका साझा उम्मेदवार डा. राजन भट्टराई ले आज बुढानिलकण्ठ नगरपालिका वडा नं १३ चुनिखेलमा घर दैलो गरेका छन ।

काठमाडौं उपत्यका को निकै पुरानो र प्राचीन बस्ति मा भट्टराई संगै घर दैलोमा प्रदेस क्षेत्र २ का उम्मेदवार कुसुम कुमार कार्की ,नेकपा माओवादी केन्द्रको तर्फ बाट समानुपातिक उम्मेदवार अमर विक ,वडा नं १३ का अध्यक्ष श्रीकृष्ण श्रेष्ठ ,टिकेस नारायण श्रेष्ठ ,जनप्रतिनिधहरु र स्थानीय नेता कार्यकर्ताको उपस्थिति रहेको थियो ।

घर दैलोको क्रममा भट्टराईले स्थानीय संग कुराकानी गर्दै चुनिखेललाई पर्यटकीय नगर र कृषि पकेट क्षेत्र बनाउने बताएका थिए । त्यस्तै कुसुम कुमार कार्कीले चुनिखेलमा पर्यटन सहकारी स्थापनकाको पहल थालेको जानकारी दिएका थिए ।