काठमाण्डौ जिल्ला योग खेलकुद संघ गठन

कपन अनलाइन 

काठमाडौ,कार्तिक २१

विश्वमा योग शिक्षाको महत्व दिनानु दिन बढ्दै जादा काठमाण्डौ जिल्लामा पनि जिल्ला योग खेलकुद संघ गठन भएको छ । जिल्ला खेल्कुद बिकास समितिको कार्यालयमा सम्पन्न भेलाले नवराज फुयालको अध्यक्षतामा १३ सदस्यिय समिती निर्माण गरेको हो ।

संघको प्रथम उपाध्यक्षमा शंकरराज न्यौपाने द्वितिय उपाध्यक्षमा मिन बहादुर श्रेष्ठ , सचिवमा लक्ष्मी भट्टराई त्यसैगरी कोषाध्यक्षमा अमला नेपाल र सदस्यहरुमा गोकर्ण डङ्गोल, बिदुर फुयाल, नविन कुमार मिश्र, शोभा न्यौपाने, सोमनाथ शर्मा, नविनजङ्ग कार्की, उमेश खड्का र बुद्दिकुमार श्रेष्ठ  रहेका  छन  ।

राष्ट्रिय खेलकुद परिषदमा समेत सदस्य रहेको नेपाल योग खेलकुद संघले काठमाण्डौ जिल्लामा पनि आफ्नो योग खेलकुद बिकासको लागी जिल्ला खेलकुद योग संघ गठन गरेको हो । नेपाल योग खेलकुद संघको केन्दृय सदस्य दिपककुमार शर्माको सम्योंजकत्वमा सम्पन्न भेलामा प्रमुख अतिथिको रुपमा केन्द्रिय अध्यक्ष डा.सुर्यबहादुर कार्कीको उपस्थिती रहेको थियो ।

कार्यक्रममा बोल्दै डा. कार्किले नेपालमा एक वर्ष भित्र १५ जिल्लामा जिल्ला संघ गठन गरि योग र प्राकृतिक शिक्षालाई प्रत्येक घर घरमा मानिसको दैनिकि सङ्ग जोड्ने प्रयासको थालनी भैसकेको बताउदै अब शहरी क्षेत्रका सबै क्षेत्रमा योग खेलकुद शिक्षा अनिवार्य भईसकेको कुरालाई जोड दिनुभयो । महासचिव चुडामनी खनालले बिध्यालय शिक्षामा समेत योग खेलकुदलाई पुर्‍याउनका लागी पाठ्यक्रम समेत निर्माण भएर कार्यान्वयनमा लैजाने तयारी भईरहेको बताए ।

नवनिर्वाचित जिल्ला अध्यक्ष नवराज फुयालले योग खेलकुद शिक्षालाई ब्यवसायिक र बैज्ञानिक शिक्षाको रुपमा आम जनमासमा पुर्‍याईने बताए । कार्यक्रममा बोल्दै केन्द्रीय कोषाध्यक्ष मिनराज डाङीले योग खेलकुद शिक्षाको महत्व र आवस्यक्ताको बारे प्रट्याउनुभएको थियो । केन्द्रिय सदस्य दिलिप कुमार बिस्टको पनि उपस्थिती रहेको थियो ।