निर्वाचन केन्द्रित भएर आफ्नो भूगोलमा सबै कार्यक्रता खट्नुस : गगन थापा
कपन अनलाइन
काठमाडौ,कार्तिक १३।
नेपाली कांग्रेसका केन्द्रिय सदस्य एबम काठमाडौं क्षेत्र नं ४ का लागि उम्मेदवार गगन थापाले क्षेत्र नं ४ को क्षेत्रको विकासमा आफुले खेलेको भूमिकाका बारेमा जनतालाई बुझाउन कार्यकर्तालाई निर्देशन दिएका छन ।
बुढानिलकण्ठ नगरपालिका वडा नं १२ मा भएको एक कार्यक्रममा उनले यस क्षेत्रमा आफुले गरका कामहरुको विवरण प्रस्तुत गर्दै आसन्न निर्वाचन केन्द्रित बनेर लाग्न सबै कार्यकर्ताहरुलाई निर्देशन दिएका थिए ।
केन्द्रिय राजनीति र स्थानीय विकासमा आफुले खेलेको भूमिकालाई जनता माझ लैजानु पर्ने र त्यो जातलाई बुझाउनु पर्नेमा उनको जोड थियो ।
नेतालाई देखाउन आफ्नो स्थान छोडेर अन्त जाने प्रवृति छोड्नु पर्ने भन्दै सबै कार्यकर्ताहरु आफ्नो भूगोलमा खट्नु पर्ने भन्दै उनले अगिल्लो निर्वाचनमा गरेका वाचा पुरा गरेको बताएका थिए ।
संविधानसभा बाट संविधान बनाउने काम सम्पन्न गरेर आएकोले अव नेपालको आर्थिक विकासमा कसरि योगदान दिन सकिन्छ भन्नेमा आफु केन्द्रित बनेको बताउदै उनले प्रदेस क्षेत्रमा पनि नेपाली कांग्रेसका उम्मेदावरलाई जिताउन अनुरोध गरेका थिए ।आफु संगै प्रदेसमा पनि नेपाली कांग्रेसले जिते काम गर्न सजिलो हुने भन्दै उनले निर्वाचन केन्द्रित भएर लाग्न कार्यकर्तालाई निर्देशन दिएका थिए ।
नेपाली जनताले जुन सुकै अतिवादको विरोध गर्ने बताउदै समतामुलक समाज निर्माण गर्न लाग्नु पर्ने बताउदै उनले आफुले जिते सबै संग मिलेर काम गर्ने प्रतिवादत्ता व्यक्त गरेका थिए ।
