लेस्टर सिटी र वेष्ट ब्रोम बराबरीमा रोकियो

कपन अनलाइन 

काठमाडौं, ३१ असोज । इंग्लिस प्रिमियर लिग फुटबल अन्तर्गत सोमबार राति भएको खेलमा लेस्टर सिटी र वेष्ट ब्रोम १–१ गोलको बराबरीमा रोकिएको छ । खेल बराबरीमा रोकिएपछि लेस्टर सिटी र वेष्ट ब्रोमले अंक बाँडेको हो ।

पहिलो हाफमा गोलरहित बराबरी भएको खेलमा ६३ औं मिनेटमा नासर चाड्लीको गोलबाट वेष्ट ब्रोमले अग्रता लियो । तर ८० औं मिनेटमा रियाद महरेजले लेस्टर सिटीका लागि बराबरी गोल गरेर टिमलाई हारबाट जोगाए ।

महरेजले प्रिमियर लिगमा यो सिजन पहिलो गोल गरेका हुन् ।बराबरीपछि ८ खेलबाट ६ अंक मात्रै जोडेको लेस्टर सिटी १८ औं स्थानमा छ । १० अंकसहित वेष्ट ब्रोम १० औं स्थानमा उक्लिएको छ ।