बुनपा वडा नं ४ मा १०५ वर्षीय बृद्ध सहित जेष्ठ नागरिक सम्मान सम्पन्न
कपन अनलाइन
काठमाडौ,असोज २८।
बूढानीलकण्ठ नगरपालिका वडा नं. ४ पासीकोटमा ज्येष्ठ नागरिक सम्मान तथा शुभकामना अादानप्रदान कार्यक्रम सम्पन्न भएको छ ।
पूर्व उपप्रधानमन्त्री एवं नेकपा एमालेका महासचिव ईश्वर पोखरेलज्यूको प्रमुख आतिथ्यतामा भएको कार्यक्रममा ८० वर्ष उमेर पूरा गर्नुभएका ३५ जना ज्येष्ठ नागरिकहरूलाई दोसल्ला र प्रमाणपत्रले सम्मान गरिएको थियो ।
ज्येष्ठता मध्ये १०५ र १०१ वर्षिय २ जना ज्येष्ठ नागरिकहरूलाई हौसला स्वरूप जनही रू. ११०० नगद सहित सम्मान गरियो । कार्यक्रममा सांसद मीरा ध्वोंजु, बूनपाका प्रमुख उध्दव खरेल, उपप्रमुख रमा राईको विशेष उपस्थिति थियोे ।
त्यसै गरि नार्कोनन् नेपाल एशिया प्रमुख बसन्त कुँवर, डा. बुध्दीमान श्रेष्ठ, डा. रेवतिमान श्रेष्ठ, डा. रक्षा श्रेष्ठ, वैदेशिक रोजगार व्यवसायी संघका पूर्व अध्यक्ष बल बहादुर तामाङ्ग लगायतका विभिन्न सामाजिक व्यक्तित्वहरूको उपस्थिति रहेको थियो । फोटो सौजन्य :अनिता लामा
