काभानीले पेनाल्टी हान्न नदिएपछि नियमारले यसरी पोखे रिस
कपन अनलाइन
एजेन्सी, ३ असोज । विश्वकै सबैभन्दा महँगा खेलाडी बनेर पिएसजी भित्रिएका नेमारको यस बर्ष खुबै चर्चा भयो । जती चर्चा उनी पिएसजी भित्रीदा भएको थियो त्यती नै चर्चा उनको हरेक खेलमा हुने गरेको छ ।तर, लियोनविरुद्धको खेलमा त्यस्तो देखिएन । स्टार खेलाडी इडिसन काभानी, नियमार र ड्यानी एल्भेसबीच असमझदारी देखियो ।
लियोन विरुद्धको खेलमा पिएसजीले पेनाल्टी पाएको थियो । नियमार उक्त पेनाल्टी हान्न चाहन्थे तर काभानीले बल दिएनन् । काभानीले पेनाल्टी मिस गरे । डि एरिया बाहिर पिएसजीले फ्रिकिक हान्ने अवसर पायो ।
यहाँ ड्यानी एल्भेस काभानीलाई बल दिएनन् । नियमारको हातमा बल थमाइ दिए । पुरै खेलमा एउटा टोली देखिएपनि उनीहरुबीच व्यापक असमझादी देखियो ।खेल सकिए लगत्तै नियमार काभानीलाई इन्स्टाग्राममा अनफलो गरेका छन् । खेलकुद मिडियाहरुले यसलाई ठुलो समाचार बनाइ रहेका छन् ।
त्यस्तै लियोन मेस्सीसँगको भिडियोमा नियमारको भुमिका र पिएसजीसँग काभानीसँगको सम्बन्धबारे भिडियोहरु भाइरल भइरहेका छन् । यसले पिएसजीको खेलमा कस्तो प्रभाव पार्ने हो सबैको चासो बनेको छ ।
