बुढानिलकण्ठ नगरपालिका वडा नं १० को सुकिलो अभियान

कपन अनलाइन 

काठमाडौ, भाद्र ४ ।

बुढानिलकण्ठ नगरपालिका वडा नं १० ले सुकिलो अभियान शुभारम्भ गर्न बृहत भेला सम्पन गरेको छ । २०७४ शालमा वर्ष भरी  हरेक महिनाको अन्तिम सनिवार वडामा सरसफाई  र अन्य जान चेतनामुलक कार्यक्रम अभियानको क्रममा गर्ने सुभारम्भ कार्यक्रममा जानकारी दिइएको थियो।

“सुकिलो अभियान “को सुभारम्भ कार्यक्रममा बुनपा १० का विद्यालय ,टोल सुधार समिति ,संघ संस्था र स्थानीयहरुको  बाक्लो उपस्थिति रहेको थियो।

यो अभियानमा हरेक महिना वडाका विभिन्न संघ संस्थाहरुलाई कार्यक्रम संयोजनको जिम्म्मा दिने र सम्पूर्ण वडावासीहरुको सहभागितामा अभियान अगाडी बढ्ने वडा नं १० का अध्यक्ष नवराज भट्टराईले बताए । यो अभियान मात्र नभई वडालाई नमुना बनाउने प्रस्थान विन्दु भएको र यस अभियानलाई सफल बनाउन प्रत्येक महिना वडामा रहेका कलाकार , प्रतिष्ठित व्यक्ति , बुद्दिजीवी ,खेलाडी हरुलाई सदभावना दुतको रुपमा परिचालन गर्ने अध्यक्ष भट्टराईले बताए।

यो अभियानमा प्रत्येक महिना वडाका छुट्टा छुट्टै स्थानमा विभिन्न संस्थाहरुको सहभागितामा सरसफाई तथा अन्य चेतनामुलक कार्यक्रम संचालन हुनेछ ।