बुढानिलकण्ठ नगरपालिका वडा नं १० द्वारा संघर्षशिल महिला विकास समितिलाई डस्टविन हस्तान्तरण

कपन अनलाइन 

काठमाडौँ ,असार ३१।

बुढानिलकण्ठ नगरपालिका वडा नं १० ले संघर्षशील महिला विकास समितिलाई २५ वटा डस्टविनहरु  हस्तान्तरण गरेको छ ।

बुनपा १० मा रहेको वालउद्दार माविमा एक कार्यक्रम आयोजना गरी उक्त डस्टविनहरु संस्थाकी अध्यक्ष हेमा अधिकारीलाई वडा नं १० का अध्यक्ष नवराज भट्टराईले हस्तान्तरण गरेका थिए ।

कार्यक्रममा वडा अध्यक्ष भट्टराईका साथै वडा सदस्यहरु भुवप्रसाद रेग्मी ,रीता दाहाल ,कपन प्रहरी प्रभागका निरीक्षक ,विभिन्न महिला समुहका प्रतिनिधि र स्थानीय संघ संस्थाहरुको उपस्थिति रहेको थियो  ।

कार्यक्रमका प्रमुख अतिथि भट्टराईले आफ्नो वडाको सरसफाई गर्न र यसको सुन्दरताको विकास गर्न सबै संघसंस्था संग सहकार्य गरी अगाडी बढ्ने बताएका थिए  ।कार्यक्रमकी सभाध्यक्ष हेमा अधिकारीले वडाको विकासमा महिला समुहको अहम भूमिका हुने र त्यो भूमिका निर्वाह गर्न संघर्षशिल महिला विकास समिति सधै कृयाशील रहने बताएकी थिइन।