बुढानीलकण्ठ नगरपालिकाको द्वारा आर्थिक वर्ष २०७४/२०७५का लागी अनुमानित ७१ करोड बजेट प्रस्तावित
कपन अनलाइन
काठमाडौँ असार २९ ।
बुढानिलकण्ठ नगरपालिकाले आर्थिक वर्ष २०७४/२०७५ को लागी अनुमानित ७० करोड ९७ लाख ८६ हजार ६ सय ९० रुपैया को बजेट प्रस्ताव गरेको छ ।
क्षेत्र नं ४ का सांसद डा.राजन भट्टराईको प्रमुख अतिथ्यमा सम्पन्न भेलामा यो बजेट प्रस्तावित गरिएको थियो । बुनपा ५ को बुढानिलकण्ठ मावीको सभाहलमा भएको कार्यक्रमको सभाध्यक्षता उप-प्रमुख रमा राईले गरेकी थिइन् भने संचालन कार्यकारी अधिकृत विश्व राज मरासिनीको गरेका थिए।
प्रस्तावित बजेटमा आय तर्फ नेपाल सरकारको समानीकरण अनुदान मार्फत २९ करोड ४८ लाख ६५ हजार र शिक्षा तथा स्वास्थ्यको विषयगत कार्यालय तर्फ ससर्त अनुदान अन्तर्गत १० करोड ५८ लाख २० हजार गरी जम्मा ४० करोड ६ लाख ८५ हजार प्राप्त गरेको छ भने सामाजिक सुरक्षा भत्ता वापत ६ करोड तथा आन्तरिक राजस्व १६ करोड रहेको छ । यसमा जनसहभागिताको १ करोड ५० लाख र अघिल्लो आवको खर्च हुन् नसकेका योजनाको बजेट रहेका छन ।
आर्थिक वर्ष २०७४/२०७५ मा प्रथ्यमिकतामा परेका मुख्य योजना तथा कार्यक्रमहरु
- खानेपानी पूर्वाधार निर्माण र वितरण – १ करोड ५० लाख
- सार्वजनिक जग्गा संरक्षण ,पार्क निर्माण आदि -१ करोड
- सैक्षिक सुधार र पूर्वाधार विकास – १ करोड २५ लाख
- विभिन्न वडाहरुमा विकास निर्माण -६५ लाख
- फोहोर मैला व्यवस्थापन – १ करोड
- नगरपालिका भवन – ५ करोड
- नगरपालिका का २ वटा वडा कार्यालय निर्माण – ७५ लाख
- वाल मैत्री बुढानिलकण्ठ निर्माण – ५० लाख
- साझेदारी कोष -३ करोड
- एकिकृत नगर विकास योजना – २० लाख
- सौर्य बत्ति जडान -५० लाख
- सवारी साधन खरिद -६० लाख
- अनौपचारिक शिक्षा विद्यालय निर्माण -१ करोड
- पर्यटन पूर्वाधार निर्माण र प्रवर्धन -५० लाख
- कपन आनी गुम्बा ढल सुधार -५० लाख
- युवा र विद्यार्थी -२० लाख
माथिको रकम बिनियोजन प्रस्ताव संगै अन्य आवस्यक क्षेत्र र योजना हेरेर नगरपालिकाले बजेट व्यवस्था गर्ने नगर प्रमुख उद्दव खरेलले कार्यक्रममा बताए।प्रस्तावित योजना तथा कार्यक्रमलाई चरणवद्ध छलफल पश्चात पारित गरी लागु गरिने छ ।
