शाहरुखले भने- मलाई र सलमानलाई फिल्ममा सँगै देख्न २०२० को प्रतिक्षा गर्नुपर्नेछ

कपन अनलाइन 

मुम्बई । हालै रिलिज भएको सलमान खानको फिल्म ‘ट्यूबलाइट’मा शाहरुख खान पनि देखिएका थिए । उनी फिल्ममा केमियोमा देखिएका थिए र उनको भूमिका दर्शकहरुले समेत मन पराए । सलमान र शाहरुखले केही ठूला पर्दामा सँगै काम पनि गरिसकेका छन् । तर, ट्यूबलाइटमा यी दुई एकसाथ देखिएपछि केही भारतीय सञ्चारमाध्यमहरुले सलमान र शाहरुख एकसाथ ठूलो भूमिकामा देखिन सक्ने बताएका थिए ।

उता शाहरुखले मीडियासँग कुराकानी भने कि सलमान र आफू आ-आफ्नै फिल्ममा वर्षभरी व्यस्त हुनेछौं । उनले भने, ‘यदि त्यस्तो हुने भयो भने सन् २०२० मा होला तर अहिले हामी दुवैसँग निकै काम छ । यसकारण अहिले यो सम्भव हुन मुश्किल छ ।’ हालका दिनमा उनी आफ्नो आगामी फिल्म ‘ह्यारी मेट सेजल’को प्रमोशनमा व्यस्त छन् ।

फिल्ममा अनुष्का शर्मा र शाहरुख खानको मुख्य भूमिका रहनेछ । अनुष्का र शाहरुख तीन पटक सँगै काम गरिसकेका छन् ।