वुढानिलकण्ठ नगरपालिकाकी उपप्रमुख रमा राईको अध्यक्षतामा काठमाडौ जिल्ला सभाको पहिलो बैठक सम्पन्न

निर्णयको व्यहोरा
नेपालको सम्बिधानको धारा २२० को उपधारा ३ मा जिल्ला सभाले बढीमा ९ जना सदस्य रहेको जिल्ला समन्य समितिको निर्वाचन गर्ने व्इवस्था भएको र सो प्रयोजनकालािग जिल्ला सभाको वैठकबाट जिल्ला समन्वय समितिमा रहने सदस्य संख्या निर्धारण गर्नुपर्ने भइकोले यस काठमाडौं जिल्ला समन्वय समितिमा प्रमुख, उपप्रमुखसहित जम्मा ९ जना सदस्य रहने निर्णय गरियो ।

जिल्ला समन्वय समिति सम्बन्धी व्यवस्था
जिल्ला भित्रका गाउँपालिका र नगरपालिकाहरूबीच समन्वय गर्न एक जिल्ला सभा रहनेछ ।

सम्बन्धित जिल्लाभित्रको गाउँ सभा वा नगर सभाको सदस्य जिल्ला समन्वय समितिको प्रमुख, उपप्रमुख वा सदस्य पदको उम्मेदवार हुन योग्य हुनेछ । जिल्ला समन्वय समितिको प्रमुख उपप्रमुख वा सदस्यको पदमा निर्वाचित भएमा त्यस्तो व्यक्तिको गाउँ सभा वा नगर सभाको सदस्य पद स्वतः रिक्त हुनेछ ।

जिल्ला समन्वय समितिकालागि सम्बन्धित जिल्ला सभाका सदस्यले सम्बन्धित जिल्ला भित्रका गाउँ सभा वा नगर सभाका सदस्यहरुमध्येबाट एक जना प्रमुख, एक जना उपप्रमुख, कम्तीमा तीन जना महिला र कम्तीमा एक जना दलित वा अल्पसङ्ख्यक समुदायका व्यक्तिलाई निर्वाचित गर्नेछन् ।

काठमाडौं जिल्ला समन्वय समितिमा जिल्लाबाट निर्वाचित ७३८ जना पदाधिकारीले उम्मेद्वारी दिन पाउँछन् । यो संख्या काठमाडौंमा भएका १३८ वडाबाट निर्वाचित ५ जना पदाधिकारी, ११ वटा नगरपालिकाका प्रमुख र उपप्रमुख गरी २२ जना तथा ११ वटा नगर कार्यपालिकाकालागि निर्वाचित ३३ जनासहितको हो । काठमाडौंको सवै तहमा सवैको उम्मेद्वारी परेको भए ७४५ सदस्य हुन्थ्यो । तर काठमाडौंका विभिन्न ठाउँमा गरी ७ ठाउँमा दलित महिलाको उम्मेद्वारी नपरेकोले सदस्य संख्या ७३८ भएको हो ।