‘बाहुबली’ पछि ‘महाभारत’ बनाउँदै राजमौली, अमिताभको पनि भूमिका हुने

कपन अनलाइन 

मुम्बई । भारतीय संचार मिडियामा प्रकाशित  समाचार अनुसार बाहुबलीका निर्देशक एसएस राजमौली अब महाभारतको कहानी लिएर आउने भएका छन् ।

खबरका अनुसार ‘बाहुबली २’ को शूटिङ सकिनुअगावै राजमौलीले महाभारतमा आधारित फिल्म बनाउने काम सुरु गरिसकेका छन्  । एसएस राजमौलीले महाभारतमा अमिताभ बच्चनको पनि अभिनय देख्न पाइने छ । तर फिल्ममा कस्तो भूमिका हुनेछ, त्यो भने खुलाइएको छैन ।

खबरलाई मान्ने हो भने फिल्ममा आमिर खान र रजनीकान्त समेत पर्दामा देखिन सक्नेछन् । अमिताभ उक्त फिल्ममा  भीष्मको भूमिकामा पर्दामा आउन सक्नेछन् । यसअघि अमिताभले सन् २०१२ मा आएको एनिमेशन फिल्म ‘महाभारत’ मा भीष्मका लागि डबिङ गरेका थिए ।