सामाजिक परिचालन पत्रकारिता पुरस्कार

कपन अनलाइन 

भोजपुर, २७ फागुन । सामूहिक अभियान भोजपुरले एकजना उत्कृष्ट पत्रकारलाई बर्सेनि सम्मान गर्ने भएको छ ।

ग्रामीण जिल्लामा रहेर पत्रकारिताको माध्यमबाट सामाजिक परिचालनको क्षेत्रमा उत्कृष्ट कलम चलाउने पत्रकारलाई सम्मान गर्ने निर्णयसहित पुरस्कार स्थापना गरिएको संस्थाका अध्यक्ष गणेश श्रेष्ठले जानकारी दिनुभयो ।

सामाजिक परिचालन उत्कृष्ट पत्रकारिता पुरस्कार नाम राखिएको पुरस्कारको राशि नगद रु पाँच हजार र कदरपत्र रहने भएको छ । पुरस्कार हरेक वर्ष संस्थाको साधारणसभामा दिइने आयोजकले जनाएका छन् । पुरस्कारले जिल्लाका पत्रकारलाई स्वच्छ पत्रकारिता गर्न प्रेरणा मिल्ने अनुमान गरिएको छ । रासस