अनलाइन पत्रकार संघमा नयाँ नेतृत्व, केशव पाठक केन्द्रिय सचिव

 कपन अनलाइन, काठमाण्डौ ।

देशभरिका अनलाइन पत्रिकाहरुको एकमात्र संस्था अनलाइन पत्रकार संघको पाँचौ अधिवेशन सम्पन्न भएको छ ।

हिजो काठमाडौ मा सम्पन्न अधिवेशनले ७ सदस्यीय नयाँ कार्यसमिति बनाएको छ । शिव सत्यालको नेतृत्वमा आगामी २ वर्षका लागि चयन भएको केंद्रीय समितिको सचिवमा केशव पाठक निर्विरोध निर्वाचित भएका छन । सचिव पदमा कपन अनलाइन का प्रधान सम्पादक केशव पाठक सहित उपाध्यक्ष तथा कोषाध्यक्ष पनि सर्वससम्मत चयन भएका थिए ।

अध्यक्ष पदका लागि शिव सत्याल ले अरुण बराललाई पराजित गरेका हुन । निर्वाचन परिणामपछि अरुण बरालले मैले पनि जितेँ भन्दै शिब सत्याललाई बधाई दिए । लोकतन्त्रको सुन्दर पक्ष यही त हो भन्दै उनले निर्वाचित हरुलाई बधाई दिएका थिए ।

अधिवेशनले केपि ढुंगाना, अजयबाबू शिवकोटी, प्रकाश ढुंगाना, कुबेर चालीसे, प्रवेश दुलाललगायत ११ जनालाई पत्रकार महासंघको अधिवेशनका लागि सभासद बनाएको छ । यो अधिवेशन सँगै अनलाइन पत्रकार संघ १० वर्षमा प्रवेश गरेको छ ।

कपन अनलाइनका प्रधान सम्पादक केशव पाठकलाई हार्दिक बधाई !!