अछाम शैक्षीक तथा धार्मीक महोत्सवको सम्पूर्ण तयारी पुरा भोलि कलश यात्राको तयारी हेर्नुहोस फोटोहरु

कपन अनलाइन 

एकेन्द्र महता 

अछाम शैक्षिक तथा धार्मिक महोत्सव २०७३ को तयारी लगभग सम्पन्न भएको छ । अछाम क्याम्पसको स्तरोन्नती तथा डिग्रि तह सञ्चालन र प्राविधिक शिक्षालय स्थापनार्थ सञ्चालन हुन लागेको महाँयज्ञको तयारी सकिएको मुल आयोजक समितीले जनाएको छ ।

तयारी अनर्तगत मंगलसेन बजारका बिभिन्न ठाँउमा १० वटा स्वागत गेट निर्माण गरिएको छ भने यज्ञ कुण्ड, यज्ञ स्थल, बाल संस्कार, योग शिविर, लगायतका संरचना निर्माण गरिएको छ । माघ २१ देखी २८ सम्म सञ्चालन हुने महाँयज्ञको सम्पूर्ण ब्यावस्थापन तथा तयारीको कार्य सम्पन्न भएको जनाईएको छ ।

महाँयज्ञका लागि प्रमुख बाचक सहित ३६ जनाको टोली पनि पुगीसकेको मुल आयोजक समिती संयोजक पदम बोहराले जाँनकारी दिनुभयो । महाँयज्ञका प्रमुख बाचक अन्तराष्ट्रिय भागवत भूषण बाचन शिरोमणि आचार्य श्री नारायण सरण ज्यू, पुज्य सञ्जेल जि महाँराजलाई भब्य स्वागत पनि गरिएको छ ।

मूल समिति सयोजक पदम बोहरा, क्याम्पस प्रमुख छत्र बिस्ट लगायत पदाधिकारीहरु र उप समिति सयोजकहरुको सहभागितामा बाजा गाजा सहित मोटरसाईकल र्याली र स्वमसेवक हरु ले साफेबगरवाट स्वागत सहित यज्ञ स्थल मंगलसेन पुर्यायका हुन । भोलि कलश यात्रा सहित बजार परिकर्मा पश्चात महाँयज्ञको औपचारीक उदघाटन गरिने समितीका प्रवक्ता ललित केसीले जाँनकारी दिए ।

कलशयात्रामा सम्पूर्ण नगरवासिहरुको उपस्थितीका लागि समेत महाँयज्ञ मुल आयोजक समितीले अनुरोध गरेको छ ।