संविधान संशोधन गरी निर्वाचनको मिति घोषणा गरिनुपर्ने

कपन अनलाइन 

काठमाडौँ, १८ माघ । माघभित्र नै संविधान संशोधन गरेर स्थानीय निर्वाचनको मिति घोषणा गर्नुपर्नेमा विभिन्न दलका नेताले जोड दिएका छन् ।

रिपोर्टर्स क्लब नेपालले आज यहाँ आयोजना गरेको साक्षात्कारमा सद्भावना पार्टीका अध्यक्ष राजेन्द्र महतोले लोकतन्त्रको दुरुपयोग भएको भन्दै संविधान परिमार्जनसहित संशोधन नभएसम्म कुनैपनि निर्वाचन हुन नसक्ने दाबी गर्नुभयो । उहाँले स्थानीय तह पुनःसंरचना आयोगको प्रतिवेदन परिमार्जन गरिनुपर्ने बताउनुभयो ।

नेपाली काँग्रेसका नेता डा नारायण खड्काले माघभित्रै निर्वाचनको मिति घोषणा गर्नु वर्तमान सरकारको पहिलो जिम्मेवारी रहेको बताउनुभयो ।

नेकपा ९माओवादी केन्द्र०का नेता प्रभू साहले संविधान संशोधन गरेर मात्र निर्वाचनको मिति घोषणा गर्नुपर्ने बताउनुभयो । उहाँले भन्नुभयो, “संशोधन नगरी चुनावमा जानु भनेको द्वन्द्व बढाउनु हो ।”

गल्ती दोहो¥याउन हुदैन

महान्याधिवक्ता रमणकुमार श्रेष्ठले उच्च अदालतका ८० जना न्यायाधीश नियुक्ति प्रक्रिया संविधान विपरीत रहेको भन्दै आमागी दिनमा यस्ता गल्ती दोहो¥याउन नहुने बताउनुभएको छ ।

आज यहाँ आयोजित साक्षात्कारमा उहाँले संविधान सबैको लागि भएको र सबैले कार्यान्वयन गर्नुपर्ने स्पष्ट पार्नुभयो ।

वरिष्ठ अधिवक्ता गोपालकृष्ण घिमिरेले लोकतन्त्रको ऐनाले हेर्दा न्यायालय स्वतन्त्र देखिनुपर्ने भए पनि घिमिरेले लोकतन्त्रको हिस्सेदारले नै त्यसको विपरीत काम गरेको आरोप लगाउनुभयो । उहाँले भन्नुभयो, “उच्च अदालतमा ८० जना न्यायाधीश नियुक्तिमा समावेशी नभएको र सविधानको मर्मअनुरुप नरहेको टिप्पणी गर्नुभयो ।
अधिवक्ता गोविन्द पन्थीले न्यायाधीश नियुक्ति प्रकरणमा इतिहासमै ठूलो भुल भएको बताउँदै न्यायालय स्वतन्त्र हुनुपर्ने भनेर हाम्रो कानुनको कागजमा मात्रै लेखिएको तर व्यवहारमा देख्न नपाएको गुनासो गर्नुभयो । रासस