ललितपुर गहबालबाट एकलाख ८७ हजार सहित ३ जुवाडे पक्राउ

कपन अनलाइन 

ललितपुर: जुवा खेली रहेको अवस्थामा प्रहरी प्रभाग मंगलबजारले हिजो साँझ ७:३० बजेको समयमा ललितपुर उपमहानगरपालिका वडा नम्बर २१ गहबालबाट एकलाख ८७ हजार ७ सय रुपियाँ  सहित तीनजना  जुवाडे पक्राउ गरेको छ ।

पक्राउ पर्नेहरुमा ललितपुर उपमहानगरपालिका  वडा नम्बर २१ बस्ने वर्ष ४८ का सनुकारी महर्जन, ललितपुर उपमहानगरपालिका वडा नम्बर २० बस्ने वर्ष ४० का प्रेम  श्रेष्ठ र काठमाडौं महानगरपालिका वडा नम्बर २४ न्यूरोड बस्ने वर्ष ३७ का राजन श्रेष्ठ रहेका छन् ।

घटना स्थलबाट प्रहरीले १६ ओटा कौडा बरामद गरेको छ ।  उनीहरूलाई प्रहरी प्रभाग मंगलबजारले गोप्य सूचनाको आधारमा इन्स्पेक्टर प्रकाश थापाको कमान्डमा खटिगएको प्रहरी टोलीले पक्राउ गरेको हो । प्रहरी आएकेा सूचाना पाएपछि करिव आधा दर्जन जुवाडे भागेकेा जनाईएकेा छ ।

पक्राउ परेका तीनजनालाई हिजै साँझ  ललितपुर प्रहरी परिसर पठाइएको छ भने आज बाट कानुनी कारबाहीको लागि अदालती  प्रक्रिया सुरुगरिने ललितपुर प्रहरी परिसरका एसएसपी पीताम्बर अधिकारीले कपन अनलाइनलाई बताए ।