वर्तमान सरकार ढाल्ने खेलमा लागेकाहरुलाई : सुजाता कोइरालाको चेतावनी
कपन अनलाइन /काठमाडौं, २० जेठ ।
वर्तमान सरकार ढाल्ने सपना नदेख्न नेपाली कांग्रेसकी नेतृ एवं केन्द्रीय सदस्य सुजाता कोइरालाले सबैलाई चेतावनी दिएकी छिन् ।
बिहिबार राजधानीमा राष्ट्रिय मानव अधिकार तथा सामाजिक न्याय मञ्च (मानव अधिकार एलाइन्स) नेपालले आयोजना गरेको नेपाल समृद्धका लागि नागरिक-राजनीतिक सम्बाद कार्यक्रमलाई सम्बोधन गर्दै उनले भनिन्- ‘सरकार ढाल्ने र सरकारको काध फेर्ने कुराको कल्पना नगर्दा हुन्छ।’
‘विगतमा गणतन्त्र प्राप्तिको लागि गिरिजा बाबुलाई सबै दलहरू मिलेर उहाँको नेतृत्वलाई सहयोग गरे,’ उनले भनिन्– ‘अब देशको समृद्धिको लागि त्यसैगरी ओली सरकारलाई सबै दलले सहयोग गर्नुपर्दछ ।’
उनले अगाडि भनिन्– ‘गिरिजा बाबुलाई सबै कम्युनिस्टले सहयोग गरे, अनि गनतन्त्र ल्याउन सफल भयो । अब नेपाली कांग्रेसले पनी ओली सरकारलाई सहयोग गरेर देश विकासतर्फ ल्याउनुपर्छ ।
फोटो : रासस
