महिला सचेतनाका लागि सशक्त कार्यक्रम ल्याउँदैः नारी चेतना सशक्तिकरण महिला समूह

कपन गाविस वडा नं. १ मा रहेका कपन भेकको पूरानो महिला समूह नारी चेतना सशक्तिकरण महिला समूहले संस्थागत तथा सामाजिक विकासका लागि विभिन्न कार्यक्रम सञ्चालन गर्ने भएको छ ।

आफ्ना सल्लाहकार तथा आजीवन सदस्यहरुको भेला आयोजना गर्दै यस संस्थाले चाँडैनै महिला ओरियन्टेड संस्थाहरुमा कार्यरत महिलाहरुलाई संस्था संञ्चालन पक्रिया तालिम कार्यक्रम आयोजना गर्ने जानकारी दियो । साथै महिला हिंसा तथा फोहरमैला सचेतनाका लागि छुट्टा छुट्टै कार्यक्रम आयोजना गर्ने भएको छ । त्यसैगरी यस संस्थाले हरेक वर्ष विभिन्न विषयका तालिम कार्यक्रमको पनि आयोजना गर्ने जनाएको छ ।

यस संस्थाले गत चैत्र महिनमा नवदुर्गा मन्दिरमा सञ्चालन गरेको नवाह महायज्ञको सम्पूर्ण हिसाब सार्वजनिक गर्दै बाँकी रकममध्येबाट ५० हजार रुपैंया नवदूर्गा मन्दिर व्यवस्थापनमा लगाउने निर्णय गरेको छ ।