लिटिल मुन इङ्लिस एकेडेमी बुढानिलकण्ठ-२ को SEE २०८२ सम्मान तथा  कार्यक्रम सम्पन्न

लिटिल मुन इङ्लिस एकेडेमी द्वारा आयोजित SEE २०८२ सम्मान तथा सांस्कृतिक कार्यक्रम सम्पन्न भएको छ । विद्यालय व्यवस्थापन समितिका अध्यक्ष भोलानाथ लामिछानेको सभापतित्व तथा बुढानीलकण्ठ नगरपालिकाका नगर प्रमुख मिठाराम अधिकारी को प्रमुख आतिथ्यमा सम्पन्न भएको हो ।

कार्यक्रममा SEE परीक्षामा ४ GPA प्राप्त गर्ने विद्यार्थी उषा श्रेष्ठलाई नगद रु. २५,००० सहित सम्मान गरिएको थियो। साथै विद्यालयका शिक्षक–कर्मचारी, शिक्षा सेवी, ज्येष्ठ नागरिक शुभद्रा लामिछाने, आत्मराम लामिछाने र मेघकुमारी पौडेल तथा डा. कनक राउत स्मृति प्रतिष्ठान छात्रवृत्ति कोष लाई सम्मान प्रदान गरिएको थियो।

कार्यक्रममा प्रधानाध्यापक कृपा ढुङ्गेल, निर्देशक कृष्णप्रसाद लामिछाने, सम्मानित विद्यार्थी उषा श्रेष्ठ, प्रमुख अतिथि मिठाराम अधिकारी तथा सभापति भोलानाथ लामिछानेले शुभकामना मन्तव्य व्यक्त गरेका थिए ।

सांस्कृतिक प्रस्तुतिसहित सम्पन्न कार्यक्रमले शैक्षिक उत्कृष्टता, ज्येष्ठ नागरिकप्रतिको सम्मान तथा समाजमा शिक्षा प्रवर्द्धनको सन्देश दिएको विद्यालयले जनाएको छ।