“मोटरसाइकल चोरीमा संलग्न दुई जना ट्राफिक प्रहरीको नियन्त्रणमा”

कपन अनलाइन

काठमाण्डौ ,जेष्ठ ७।

काठमाडौँको चन्द्रागिरी नगरपालिका वडा नं. १२ बलम्बु बसन्तटोलबाट बा.प्र.०२,०४०प ७४७१ नम्बरको रातो रंगको पल्सर NS200 मोटरसाईकल हराएको हुँदा खोज तलास गरी पाऊँ भनि निवेदकले दिएको दरखास्त सहितको निवेदन अनुसार उक्त नम्बरको मोटरसाइकल यस कार्यालयवाट खोज तलास गर्दा जेष्ठ ६ गते काठमाण्डौ जिल्ला टोखा नगरपालिका वडा नं.२,पञ्चेटारबाट मकवानपुर जिल्ला ईन्द्रसरोवर गाउँपालिका वडा नं.६ घर भई हाल काठमाण्डौ टोखा बस्ने वर्ष ३२ को संजित लामा र मकवानुर जिल्ला कैलाश गाउँपालिका वडा नं.३ घर भई हाल काठमाडौं टोखा बर्ष ३२ को असोक लामाले प्रयोग गरी लुकाई छिपाई राखेको अवस्थामा फेला पारी पक्राउ गरी थप अनुसन्धान एवम् आवश्यक कारवाहीको लागि प्रहरी बृत थानकोट पठाईएको छ ।

हराएका सवारी साधन खोजतलास र चोरी नियन्त्रण कार्य निरन्तर हुँदै आए तापनि सवारी धनी स्वयम् सजग भई सुरक्षित स्थानमा पार्किङ गर्न अनुरोध गरिन्छ । सवारी साधन हराएमा ट्राफिक प्रहरीको हटलाईन नम्बर १०३, नेपाल प्रहरीको हटलाइन नम्बर १०० मा तत्कालै आफ्नो सवारी साधनको विवरण सहित फोन गर्न र नजिकैको प्रहरी कार्यालयमा निवेदन दिन सकिने छ ।