शिवपुरी जङ्गलमा एक पुरुष मृत भेटिए

कपन अनलाइन

काठमाण्डौ ,फागुन २८।

तारकेश्वर नगरपालिका–६ धर्मस्थलीका ५८ वर्षीय कान्छा महर्जन घरबाट हराएको १७ दिनपछि शिवपुरी जङ्गलमा मृत भेटिएका छन् ।

फागुन १० गते महर्जन घरबाटै हराएकामा खोजतलासका क्रममा  मंगलबार तारकेश्वर नगरपालिका–३  पाँचमानेस्थित शिवपुरी जङ्गलमा फेला परेको जिल्ला प्रहरी परिसर काठमाडौँका प्रवक्ता, प्रहरी उपरीक्षक अपीलराज बोहराले जानकारी दिए ।

महर्जनको शव मुचुल्का उठाएर परीक्षणका लागि महाराजगञ्जस्थित शिक्षण अस्पतालमा पठाइएको उनले बताए । मृत्युको कारण भने नखुलेको प्रवक्ता बोहराले जानकारी दिएका छन  ।