बुढानीलकण्ठ-५ बाट अनलाइन जुवा खेलाएको आरोपमा २४ जना भारतीय नागरिक पक्राउ

कपन अनलाइन

काठमाण्डौ ,फागुन ६।

बुढानीलकण्ठ नगरपालिका वडा नं ५ बाट  अनलाइन जुवा खेलाएको आरोपमा २४ जना भारतीय नागरिक पक्राउ परेका छन्।

काठमाडौं उपत्यका अपराध अनुसन्धान कार्यालयको टोलीले सोमबार राति छापा मारेर २४ जनालाई नियन्त्रणमा लिएको हो ।
अनलाइन जुवा खेलाएको आरोपमा उनीहरूलाई पक्राउ गरिएको उपत्यका अपराध अनुसन्धान कार्यालयका एसएसपी रमेश बस्नेतले जानकारि दिए ।

आरोपीहरूले १ अर्ब ६४ करोड ३९ लाखको कारोबार गरेको प्रहरीको अनुसन्धानबाट थाहा भएको छ । गएराति बूढानीलकण्ठको एक घरमा छापा मारेर अपराध अनुसन्धान कार्यालयको टोलीले २१ थान मोबाइल र ३८ थान ल्यापटप बरामद गरेको छ ।