काठमाण्डौ उपत्यकाको महत्वपूर्ण विष्णुमती नदीमा कोरिडोर निर्माणको शुभारम्भ

कपन अनलाइन

काठमाण्डौ ,पुस १९।

काठमाण्डौ उपत्यकाको महत्वपूर्ण विष्णुमती नदीमा कोरिडोर निर्माणको शुभारम्भ गरिएको छ। बुढानिलकण्ठ नगरपालिका वडा नं ४ बाट विष्णु मती कोरिडोर निर्माणको शुभारम्भ गरिएको हो।

नेपाल सरकारका स्वास्थ्य मन्त्रि तथा काठमाण्डौ क्षेत्र नं ५ का प्रतिनिधि सभा सदस्य प्रदीप पौडेल , प्रदेस सभा सदस्य श्याम बहादुर खड्का,बुढानिलकण्ठ नगरपालिकाका प्रमुख मिठाराम अधिकारी , टोखा नगरपालिकाका प्रमुख प्रकाश अधिकारी, बुढानिलकण्ठका प्रमुख प्रशासकीय अधिकृत तुलसीराम अर्याल, बुढानिलकण्ठकी उपप्रमुख अनिता लामा लगायतको उपस्थितिमा बुढानिलकण्ठ नगरपालिका वडा नम्बर ४,६ र टोखा नगरपालिका २,३ को सिमानामा पर्ने बिष्णुमति करिडोर निर्माण शुभारम्भ गरिएको हो।

हाल बुढानिलकण्ठ नगरपालिका वडा नं ४ बाट निर्माण शुरु गरिएको सो कोरिडोर निर्माणका लागि सडक डिभिजन कार्यालयबाट बजेट ब्यावस्थापन भएर काम शुरु भएको जानकारी दिदै वडा नं ४ का अध्यक्ष श्रीराम केसीले २०८२ साल  बैशाख २० गते सम्म योजना सम्झौता भएको बताएका छन।

२०८१ साल कार्तिक २१ गते सम्झौता भएर आज निर्माण शुभारम्भ गरिएको विष्णुमति कोरिडोर निर्माणको ठेक्का होम सन् कन्ट्रक्सन एण्ड सप्लायर्सले पाएको छ।