थन्डर बोल्ट्स  कपः छात्रा फुटसलमा ब्लु बर्ड प्रथम

थन्डर बोल्ट्स  कपः छात्रा फुटसलमा ब्लु बर्ड प्रथम
कपन अनलाइन
काठमाण्डौ,पुस १ ।

जेम्स विद्यालयद्वारा आयोजित ‘दोस्रो थन्डर बोल्ट्स  कप खेलकुद २०२४  अन्तर्गत १८ वर्षमुनिका छात्रा फुटसलमा ब्लूबर्ड स्कूल प्रथम, एभिएम स्कूल द्वितीय र पुष्पाञ्जली स्कुल तृतीय भएका छन् ।
उक्त प्रतियोगितामा जेम्स स्कुल, पुष्पाञ्जली स्कुल, एभिएम स्कूल, ब्लूबर्ड स्कूल, युलेन्स स्कूल, ब्लूम स्कूल, काठमान्डु वर्ल्ड स्कुल, कितीनि स्कूललगायतका विद्यालयको सहभागिता थियो ।
त्यस्तै १६ वर्षमुनि छात्र फुटबलमा विनायक स्कुल, जेम्स स्कुल,  नेपाल पुलिस स्कुल र एपिएफ स्कुल सेमी फाइनलमा प्रवेश गरेका छन् ।
आइतवार भएको क्वाटर फाइनलमा विनायक स्कुलले लर्ड लाइट एकेडेमीलाई ३–१ ले, नेपाल पुलिस स्कुलले इम्पेरिएल वर्ल्ड स्कुललाई ५–२ ले,  जेम्स स्कुलले ब्रह्मकुञ्ज स्कुललाई  ३–० ले र एपिएफ स्कुलले डिएभी स्कुललाई  ८–० ले पराजित गरेको थियो।
त्यस्तै १६ वर्षमुनि छात्र क्रिकेट प्रतिस्पर्धामा एलआरआई स्कुलले जेम्स स्कुल र मातृभूमी स्कुललाई समान  ५  विकेटले  पराजित गर्यो। त्यस्तै नेपाल पुलिस स्कुलले  मनकामना स्कुललाई  ५ विकेटले र  डिएभी स्कुलले नेपाल पुलिस स्कुललाई १ रनले पराजित ग¥यो।
१६ र १८ वर्षमुनि छात्र र १८ वर्षमुनिका छात्रा बास्केटबल प्रतिस्पर्धा जारी नै छ । उक्त प्रतियोगितामा जेम्स स्कुल, जेभियर इन्टरनेसनल कलेज, गोल्डेनगेट कलेज, रातो बङ्गला स्कुल, सेन्ट जेभियर्स स्कुल, एलआरआई स्कुल, नामी स्कुल लगायतका विद्यालयहरुले सहभागिता जनाइरहेका छन् ।

तपाइँको प्रतिक्रिया ।