नेपाल पत्रकार महासंघ ओखलढुंगाको अध्यक्षमा पूर्णप्रसाद न्यौपाने निर्विरोध निर्वाचित
नेपाल पत्रकार महासंघ ओखलढुंगा शाखाको अध्यक्षमा पूर्णप्रसाद न्यौपाने निर्विरोध निर्वाचित भएका छन् । नेपाल पत्रकार महासंघको २७ औं महाधिवेशन अन्तर्गत १ पदमा १ व्यक्तिको मात्रै उम्मेदवारी परेपछि अध्यक्षमा न्यौपानेसहित १७ जना निर्विरोध निर्वाचित भएका हुन् ।
महासंघको उपाध्यक्षमा रविन श्रेष्ठ, समावेशी उपाध्यक्षमा शारदा राई, सचिवमा मिनाकुमारी श्रेष्ठ (शेर्पा), सहसचिवमा नविन धमला र स्यारोन शेर्पा, कोषाध्यक्षमा रितादेवी तामाङ्ग निर्विरोध निर्वाचित भएका छन् ।त्यस्तै सदस्यहरुमा शेरबहादुर राई (एसबी जेरो), लिला श्रेष्ठ, सरस्वती बानिया, कृष्णजित राई, प्रविण मुदेल र माया राई निर्वाचित भएका छन
राष्ट्रिय समाचार समिति, रेडियो नेपाल, नयाँ पत्रिका, भिजन एफएम, भिजन नेपाल साप्ताहिक, अनलाईन सरोकारलगायत सञ्चारमाध्यममा आबद्ध न्यौपाने प्रेस चौतारीबाट अध्यक्ष बन्ने ओखलढुंगाको पहिलो पत्रकार हुन् ।
