बुढानीलकण्ठमा खानेपानी समस्या: ठोस नीति र नगरपालिकाको दायित्व

बुढानीलकण्ठ नगरपालिकामा खानेपानी जस्तो आधारभूत आवश्यकता अझै पनि व्यवस्थित हुन सकेको छैन। यसका लागि ठोस नीति नहुनु दुखद मात्र होइन, गम्भीर समस्या हो। हाल उपभोक्ता समितिहरूको नाममा नगरवासीको पानी पहुँचलाई निजी स्वार्थको साधन बनाइएको छ। यसकै परिणामस्वरूप, एउटा साधारण धारो जडान गर्न २५ हजारदेखि १ लाख ५० हजार रुपैयाँसम्म तिर्न बाध्य बनाइन्छ, जसले नागरिकलाई आर्थिक बोझ थपेको छ। जबकि पानी जस्तो आधारभूत सुविधा उपभोग गर्न नगरवासीले यस्तो ठूलो रकम तिर्नु आवश्यक हुँदैन। नगरपालिकाले यस प्रकारको अन्यायपूर्ण शुल्क उठाउने कार्यहरूलाई नियन्त्रण गर्नुपर्छ।