पेरिसको एक अपार्टमेन्टमा आगलागी हुदा आठको मृत्यु

पेरिस, १६ भदौ । फ्रान्सको राजधानी पेरिसको उत्तरी भागमा बुधबार बिहान भएको आगलागीमा परी कम्तीमा पनि आठ जनाको ज्यान गएको समाचार छ ।
पेरिसको प्रहरीले दिएको जानकारी अनुसार सो आगलागीमा परी बुधबार बिहान आठ जनाको ज्यान गएको छ र त्यसमा केही बालबालिका पनि परेका छन् । तर कतिजना बालबालिका छन् भन्ने बारेमा भने खुलेको छैन ।
उक्त अपार्टमेन्टको अठारौँ तल्लामा बिहान करिब साढे चार बजे सो दुर्घटना भएको थियो । उक्त दुर्घटनाको पूर्ण विवरण भने आउन सकिरहेको छैन ।
फ्रान्सका गृहमन्त्री बर्नाड क्याजेनोभ र प्रहरी प्रमुख माइकेल क्याडोटले आफूहरु घटनास्थलमै भएको जानकारी दिनुभयो ।
घटनाको कारण खुलेको छैन । आगलागी कसरी हुनपुग्यो भन्ने बारेमा अनुसन्धान जारी रहेको बताइएको छ ।