इन्धनको मूल्य घट्यो

कपन अनलाइन
काठमाडौं, असोज १५।

नेपाल आयल निगमले चाडपर्वको मुखमा इन्धनको मूल्य घटाउने निर्णय गरेको छ। यससँगै उपभोक्ताहरूले राहत महसुस गर्ने विश्वास गरिएको छ। निगमले पेट्रोल, डिजेल, हवाई इन्धन र मट्टीतेलको मूल्यमा कमी गरेको हो।

आइतबार राति १२ बजेबाट लागू हुनेगरी पेट्रोलमा प्रति लिटर रु १, डिजेलमा रु २, मट्टीतेलमा रु २ र आन्तरिक उडानको हवाई इन्धनमा रु ६ घटाइएको छ। बाह्य उडानका लागि हवाई इन्धनमा प्रतिहजार लिटर रु ४५ घटाइएको छ।