गजल : नम्रता श्रेष्ठ
कपन अनलाइन
काठमाडौं , बैशाख १५।
तिमी सङ बिताएको मिठो पल भुल्न कहा सक्छु र
तिमी सङै बुनेको सपना हरु कुल्चन कहाँ सक्छु र ।
यो मुटु त सधै भरी तिम्रै नाममा धडकिन्छ नि
तिम्रो याद आउने बाटो छेक्न कहाँ सक्छु र ।
गुलाफ फुलको सुवास बनी आयौ मेरो जीवनमा
तिमी बिना एक्लै बगैंचामा डुल्न कहाँ सक्छु र ।
बसन्त को पालुवा झै मौलाउदै छ हाम्रो माया
चैत मास को खडेरि झै सुक्न कहाँ सक्छु र ।
मेरो सारा खुसी अनि संसार तिमी हौ नि
तिमी बिना यो जिन्दगी सोच्न कहाँ सक्छु र ।
सहकार्य : कपन बानेश्वर साहित्यिक साप्ताहिक
तपाइँको प्रतिक्रिया ।
