नेकपा एमाले बुढानिलकण्ठको नेतृत्व चयन आज हुने ,को बन्ला अध्यक्ष ?
कपन अनलाइन
काठमाण्डौ,चैत २०।
नेकपा एमाले बुढानिलकण्ठ नगर कमिटीको नेतृत्व चयन आज हुदैछ। बुढानिलकण्ठ नगरपालिका वडा नं ८ मा रहेको सुकुन्दा पार्टी प्यालेसमा २ बजे देखि हुने बन्द सत्रले नयाँ नेतृत्व चयन गर्नेछ।
चैत १७ गते भएको बन्द सत्र स्थगित भए संगै नेतृत्वका लागि आन्तरिक दौडधुप र चलखेल तीव्र बनेको अवस्थामा आज नेतृत्व चयन हुन् लागेको हो।
काठमाण्डौ जिल्लामा नेकपा एमालेको मजबुत संगठन र मतदाता भएको नगरपालिकाका रुपमा पहिचान बनाएको बुढानिलकण्ठको नेतृत्व चयनका लागि अन्तिम तयारी गरिएको श्रोतले जानकारी दिएको छ।
नेकपा एमाले बुढानिलकण्ठको अध्यक्ष पदका लागि वर्तमान अध्यक्ष प्रदीप डंगोल ,सचिव श्रीकृष्ण श्रेष्ठ र पुराना नेता धुर्व प्रसाद भट्टराई मैदानमा रहेका छन।
नेतृत्वका दावेदारहरुले प्रभावकारी विषय र मुद्दा भन्दा पनि क्षेत्रीय,भेगीय र व्यक्तिवादी विषयहरुलाई केन्द्रमा राखेर चलखेल गर्दा आम कार्यकर्ता पंक्तिमा भने निरासा छाएको चर्चा नेकपा एमाले बुढानिलकण्ठमा व्यापक बनेको छ।
अझ रोचक र तिनै अस्वस्थ मुद्दा र विषयहरुलाई माथिल्लो कमिटीका नेताहरुले पनि प्रश्रय दिने उदेस्यले विचार र सुचना प्रवाह गर्न थालेपछि आम प्रतिनिधि र कार्यकर्ताहरुले भने निर्वाचनको माग गर्ने प्रवल संभावना देखिएको एक प्रतिनिधिले बताएका छन।
