पत्रकारिता विषय व्यावहारिक नहँुदा विद्यार्थीलाई समस्या

३० साउन । सुदूरपश्चिमाञ्चल विश्वविद्यालयले सञ्चालन गरेको पत्रकारिता विषयको पढाइ व्यावहारिक नहुँदा विद्यार्थीलाई समस्या परेको छ ।

पत्रकारिता विषयको पढाइ प्रयोगात्मक र सिकाइ विधिमा आधारित नहुँदा विद्यार्थीलाई समस्या परेको हो ।

“पाठ्यक्रम निर्धारण नहँुदा पूर्णतया विषयमा आधारित भएर पठनपाठनको कार्य नहँुदा समस्या परेको छ” विद्यार्थी मदन जोशीले भन्नुभयो ।

पाठ्यक्रम निर्धारण गरी पठनपाठनको व्यवस्था गर्नका लागि विश्वविद्यालयलाई अवगत गराई सक्दासमेत समस्या समाधान हुन नसकेको उहाँको भनाइ छ । विद्यार्थीले पाठ्यक्रम निर्धारण गरिनुपर्ने, प्रयोगात्मक सिकाइ विधि र कक्षा कोठाको माग गर्दै आएका छन् ।

विश्वविद्यालयले गत शैक्षिक सत्रदेखि सञ्चालन गरेको पत्रकारिता विषयमा चार दर्जनभन्दा बढी अध्ययनरत रहेका छन् । रासस