मन्जरी माध्यमिक विद्यालय बुढानिलकण्ठ-७ को २६ औ अभिभावक दिवस सम्पन्न

कपन अनलाइन

काठमाण्डौ, चैत ४।

बुढानीलकण्ठ नगरपालिका वडा नं  ७ , गलफुटारमा रहेको श्री मञ्जरी माध्यमिक विद्यालयको २६ औँ अभिभावक दिवस सम्पन्न भएको छ।बुढानीलकण्ठ नगरपालिकाका नगरप्रमुख मिठाराम अधिकारी को प्रमुख अतिथ्यतामा भएको सो कार्यक्रममा विद्यार्थी  तथा  अभिभावकहरूलाई सम्मान गरिनुका साथै विद्यार्थीहरूको तर्फबाट विभिन्न सांस्कृतिक कार्यक्रमहरू समेत सञ्चालन गरिएको विद्यालयका प्रधानाध्यापक टिका गौतमले बताएका छन्।

बुढानिलकण्ठ नगरपालिकाका नगरपमुख मिठाराम अधिकारी र बुढानीलकण्ठ प्याप्सनका अध्यक्ष राधेश्याम श्रेष्ठको विशेष अतिथ्यता भएको उक्त कार्यक्रममा विद्यालयमा अध्ययनरत बालबालिकाहरूलाई आउँदो दिनमा पढाइमा अझ क्रियाशील रहनका लागि सम्मान व्यक्त गरिएको थियो भने विद्यालयले विद्यार्थीहरूको पढाइ सुधारका निमित्त गरेका क्रियाकलापहरूका बारेमा विद्यालयका प्रधानाध्यापक टिका गौतमले जानकारी प्रदान गरेका थिए  ।

उक्त कार्यक्रममा बुडानीकण्ठ नगरपालिकाका नगरपमुख मिठाराम अधिकारीद्वारा विद्यालयमा विशिष्ट योगदान पुर्‍याउने केही शिक्षकहरूलाई सम्मान व्यक्त गरिएको थियो भने केही अभिभावकहरूलाई समेत सम्मान प्रदान गरिएको थियो।

बिद्यालयका निर्देशक  डम्बरसिह गुरुङले  स्वागत मन्तव्य राखेको उक्त कार्यक्रममा विभिन्न विद्यालयका शिक्षकहरू तथा विशिष्ट व्यक्तित्वहरूको समेत उपस्थित रहेको थियो।