भक्ति इन्टरनेसनल एकेडेमीको १९औ वार्षिक उत्सव सम्पन्न

कपन अनलाइन

काठमाडौँ फागुन २६। अमित श्रेष्ठ । काठमाडौँ बुढानीलकण्ठ नगरपालिका वडा नम्बर ७ , हात्तीगौडामा रहेको भक्ति इन्टरनेसनल एकेडेमीको १९ औ वार्षिक उत्सव तथा अभिभावक दिवस एवं पुरस्कार वितरण कार्यक्रम सम्पन्न भएको छ। मेघबहादुर खड्का द्वारा सञ्चालन भएको उक्त कार्यक्रममा कवि तथा सञ्चारकर्मी डा. नवराज लम्सालको प्रमुख अतिथ्यता रहेको थियो।

यस वार्षिकोत्सव तथा अभिभावक दिवस कार्यक्रममा विद्यालयमा कार्यरत शिक्षकहरूलाई सम्मान गरिनुका साथै विद्यार्थी भाइबहिनीहरूलाई समेत पुरस्कार वितरण गरिएको थियो जसको जानकारी विद्यालय व्यवस्थापन समितिका अध्यक्ष उत्तम विक्रम थापाले दिएका छन्। विद्यालय सञ्चालक समितिका सचिव महेन्द्र थापा , विद्यालयका संस्थापक विश्व महत तथा विद्यालय व्यवस्थापन समितिका अधिवक्ता गगन काफ्ले आदिको विशेष अतिथ्यतामा भएको यस उक्त कार्यक्रममा विद्यालयमा लामो समयदेखि कार्यरत रहँदै आएका शिक्षकहरूलाई सम्मान प्रदान गरिनुका साथै विद्यार्थी भाइबहिनीहरूलाई पुरस्कार वितरण गरी विभिन्न सांस्कृतिक कार्यक्रमहरू सञ्चालन गरिएको थियो।

उक्त कार्यक्रममा विद्यालयका प्राचार्य नवराज भट्टद्वारा आर्थिक गतिविधि तथा वार्षिक प्रतिवेदनहरू समेत प्रस्तुत गरिएको थियो। मेघराज खड्काद्वारा स्वागत मन्तव्य राखिएको यस उक्त कार्यक्रममा विभिन्न विद्यालयहरूका प्रधानाध्यापकहरू तथा शिक्षकहरूको समेत उपस्थिति रहेको थियो।