बुढानिलकण्ठ-१० बालुवाखानीमा लाखौको धनमाल चोरी …..

कपन अनलाइन
काठमाडौं,माघ २४।

बुढानिलकण्ठ नगरपालिका वडा नं १० बालुवाखानीमा लाखौको धनमाल चोरी भएको छ।

माघ २४ गते दिउसो ११ बजे देखि ३ बजेको समयमा वडा नं १० बालुवाखानीमा रहेको भूकम्प स्मृति पार्क नजिक रहेको दिनेश घिमिरेको घरमा पछाडीबाट छिरेर चोरहरुले धनमाल चोरी गरेका हुन।

सो घरमा रहेका दुई वटा कोठाबाट करिव ४० तोला सुन ,१५ तोला चाँदी ,४५ हजार नगद सहित १५ सय जति डलर चोरी भएको घरधनी घिमिरेले बताएका छन।

जनप्रतिनिधि सहित घटनास्थलमा पुगेको प्रहरीले चोरीको थप अनुसन्धान गरिरहेको छ।