भ्याली पब्लिकको दुवै टोली क्वाटरफाइनलमा

कपन अनलाइन

काठमाण्डौ,पुस १२ ।

भ्याली पब्लिकको सिनियर ब्वाइज र गर्ल्स  दुवै टोली १५ औं टीआईए कप अन्तरविद्यालय बास्केटबल प्रतियोगितामा बुधबार क्वाटरफाइनलमा प्रवेश गरेका छन् ।
हात्तीगौडास्थित आयोजक ठुङरम इन्टरनेसनल एकेडेमी (टीआईए) को कोर्टमा भएको सिनियर ब्वाइजको खेलमा भ्याली पब्लिकल टीआईए ‘बी’ लाई ४७–२७ ले पराजित ग¥यो । भ्याली पब्लिकका अनमोल गुरुङले १५ अंक जोडे । सिनियर गल्र्समा भ्याली पब्लिकले निम्सलाई ४२–३७ ले हरायो । भ्याली पब्लिककी प्रकृति खड्का र लोरिशा गौचनले समान १०–१० स्कोर गरे ।
सिनियर ब्वाइजमा निम्स, ग्रिनल्यान्ड र एचएचसीएले क्वाटरफाइनलमा स्थान सुरक्षित गरे । निम्सले टीआईए ‘ए’ लाई ३६–३१, ग्रिनल्यान्डले जेनिथलाई ५८–४८ र एचएचसीएले फ्युजन एकेडेमीलाई ४०–१२ ले पाखा लगाए । निम्सका दीपसागर सेतीमहरले ११, ग्रिनल्यान्डका प्रवीण गुरुङले ३४ र एचएचसीएका पवन मगरले ८ अंक जोडे ।
सिनियर ब्वाइजमा निम्सले जेनिथ, विल्सन एकेडेमीले एचएचसीए, टीआईए ‘ए’ ले ग्रिनल्यान्ड र भ्याली पब्लिकले बीएमसीएसंग क्वाटरफाइनलमा खेल्ने छन् ।
सिनियर गल्र्समा एनसीसीएसले ग्रिनल्यान्डलाई १९–२ ले पन्छ्याउदै क्वाटरफाइनल यात्रा तय ग¥यो । एनसीसीएएकी दिया महर्जनले १० अंक जोडिन् ।
सिनियर गल्र्समा पनि क्वाटरफाइनल समीकरण पूरा भएको छ । क्वाटरफाइनल निम्स र एचएचसीए, ग्रिनल्यान्ड र बसुन्धरा नेसनल एकेडेमी (बीएनए), हिमरश्मि र एनसीसीएस तथा भ्याली पब्लिक र टीआईए ‘बी’ बीच हुनेछ ।