बुढानिलकण्ठ-८ सुन्दरबस्तीमा जनमैत्री देउसी भैलो तथा सांस्कृतिक साँझ हुने

कपन अनलाइन

काठमाण्डौ,कार्तिक २३।

बुढानिलकण्ठ नगरपालिका वडा नं ८ मा  जनमैत्री देउसी भैलो तथा सांस्कृतिक साँझ हुने भएको छ। कार्तिक २५ गते वडा नं ८ को सुन्दरबस्तीमा हुने सो कार्यक्रमको आयोजना जनमैत्री युवा क्लवले गरेको हो।

बुढानिलकण्ठ नृत्य समुह ,प्रश्नचिन्ह ब्याण्ड सहित विभिन्न कलाकारहरुको सांगीतिक प्रस्तुति रहने उक्त कार्यक्रम साँझ ५ बजे शुरु हुने आयोजकले  जानकारी दिएको छ।

विभिन्न सामाजिक गतिविधिमा सक्रिय रहदै आएको जनमैत्री युवा क्लवले सो कार्यक्रममा सहभागी हुनका लागि सबैमा अनुरोध गरेको छ ।