बुढानीलकण्ठ नगरकप फुटबलको प्रथम पुरस्कार फ्रयाङ्कलिन एजुकेशनल कन्सल्टेन्सीले प्रायोजन गर्ने
कपन अनलाइन
काठमाण्डौ ,असोज २५ ।
बिजया दशमीको अबसरमा बुढानीलकण्ठ युवा समाजले आयोजना गर्दै आईरहेको बुढानीलकण्ठ नगरकप फुटबल प्रतियोगिताको आठौ संस्करणको प्रथम पुरस्कार फ्रयाङ्कलिन एजुकेशनल कन्सल्टेन्सीले प्रायोजन गर्ने भएको छ ।
बुढानीलकण्ठ युवा समाजको समाजकको तर्फबाट कार्यबाहक अध्यक्ष्य सक्सा शाह र फ्रयाङ्कलिन एजुकेशनलका उमेश खड्काले हस्ताक्षर गर्दै आठौ बूढानीलकण्ठ नगरकप फुटबल प्रतियोगिताको प्रथम पुरस्कार प्रायोजनको सम्झौता गरेका थिए।प्रतियोगिताका विजेताले उपाधि सहित नगद १ लाख हात पार्नेछ भने उपविजेताले ५० हजारसहित ट्रफी, मेडल र प्रमाणपत्र प्राप्त गर्नेछ ।
असोज २५ गतेसम्म टिमदर्ता गर्ने टोलीहरुलाई नेपाल र लाओस बीच दशरथ रंगशालामा हुने विश्वकप छनौटको खेल हेर्न तीन थान टिकट उपलब्ध गराईने आयोजकले जानकारी दिएको छ।
बुढानीलकण्ठ नगरपालिका भित्रका १८ वटा टोलीले ८ औ नगरकप् फुटबल प्रतियोगिता २०८० मा सहभागिता जनाउने छन्।
