वनतिर सिरसिर : त्रिलोचन आचार्य (कविता )
कपन अनलाइन
काठमाण्डौ ,भाद्र १६।
१. झलमलझलझल, छ चउर वनतिर
कलकल छलछल, छ बहुतमनतिर
पलपलहलहल, अनुपमचिरबिर
न त छल प्रतिपलवनतिर सिरसिर ।
२. अभय छ विजय छ, प्रकृतिज पसल छ
घर पर डर छ र ? छ सुखदफसल छ
अजर छ अमर छ, सिमसिममिरमिर
शहर छ घिरघिर, वनतिर सिरसिर ।
३. सुकसुक छुकछुक पुलपुलतुलबुल
र अजब वनतिर, गजब छ चुलबुल
न बहुत सकसकचसचस झिरझिर
तिरतिर फिरफिर, वनतिर सिरसिर ।
४. झटक र फटक छ, हरक्षण शहर त
भ्रमित र दमित छ, हर दिन रहर त
असल छु नभन छ झुटमुट किरकिर
छ छ बरु वनतिर, सिरसिर सिरसिर ।
५. वरपर छ मनुज, कलबल अलमल
दलबल छलबल, हरपलखलबल
अकरण सहनु छ, टिरटिर लिरबिर
घरतिर भय सय, वनतिर सिरसिर ।
सहकार्य : कपन बानेश्वर साहित्यिक साप्ताहिक
तपाइँको प्रतिक्रिया ।
