बुढानीलकण्ठ नगरपालिका–४ मा धारिलो हतियार प्रहारबाट एक महिलाको मृत्यु

कपन अनलाइन

काठमाण्डौ ,साउन १६।

बुढानीलकण्ठमा  धारिलो हतियार प्रहारबाट एक महिलाको मृत्यु भएको छ । बुढानीलकण्ठ नगरपालिका वडा नं ४ भसन्थलीमा बस्दै आएकी सप्तरीकी ३८ वर्षीया अनिता चौधरीको मृत्यु भएको हो ।

प्रहरीका अनुसार बुढानीलकण्ठ–४ मै बस्दै आएका ५२ वर्षीय गौरासिंह बोहराले गएको आइतबार राति धारिलो हतियारले प्रहार गर्दा उनी गम्भीर घाइते भएकी थिइन् । उनलाई उपचारका लागि महाराजगन्जस्थित त्रिवि शिक्षण अस्पतालमा ल्याइएको थियो । त्यहाँबाट थप उपचारका लागि राष्ट्रिय ट्रमा सेन्टरमा ल्याइएको थियो । उपचारका क्रममा गए राति उनको मृत्यु भएको प्रहरीले जनाएको छ ।

आरोपित बोहरालाई प्रहरीले पक्राउ गरेर  घटनाबारे थप अनुसन्धान भइरहेको प्रहरीले जनाएको छ ।