बुढानिलकण्ठमा उपभोक्ता समितीबाट संचालित योजनाको अनिवार्य सामाजिक परिक्षण हुने

कपन अनलाइन

काठमाडौं असार ९।

बुढानिलकण्ठ नगरपालिकामा उपभोक्ता समितीबाट संचालित योजनाको अनिवार्य सामाजिक परिक्षण हुने भएको छ। नगरपालिकाले आव २०८०/८१ का लागि प्रस्तुत गरेको नीति तथा कार्यक्रममा उपभोक्ता समितीबाट संचालनमा आउने योजनाहरुको अनिवार्य सामाजिक परिक्षण गर्ने नीतिलाई कार्यान्वयनमा ल्याउने उल्लेख गरिएको छ ।

बुढानीलकण्ठ नगरपालिका नगर सभाको १२ औं अधिवेशन नगर प्रमुख मिठाराम अधिकारीको अध्यक्षतामा असार ०७ गतेबाट सुरु भएको छ। सभामा नगरप्रमुख, उपप्रमुख, नगरसभा सदस्य लगायत नगरपालिकाका कर्मचारीहरूको उपस्थिति रहेकाे थियो ।

नगर प्रमुख मिठाराम अधिकारीले प्रस्तुत गरेको नीति तथा कार्यक्रमको पर्यटन खण्डको उपखण्ड( ङ्ग ) मा बुढानिलकण्ठ मन्दिरलाई देशकै एक विसिस्ट धार्मिक पर्यटकीय केन्द्रको रुपमा विकास गर्ने उल्लेख गरिएको छ।

सो नीति तथा कार्यक्रमका अनुसार मन्दिर भित्रका साना संरचना हटाउने र ससो स्थानमा रहेका  सटर खाली गरि रंग रोगन गर्ने उल्लेख गरिएको छ भने हाल रहेको सार्वजनिक सौचालयका स्थानमा सुविधा सम्पन्न सार्वजनिक सौचालय निर्माण गर्ने कार्यक्रम अगाडी सारिएको छ।