चन्द्रगिरि नगरपालिका वडा नं. ५ गुर्जुधारामा मोटरसाइकल दुर्घटना हुँदा एक जनाको मृत्यु
कपन अनलाइन
काठमाण्डौ ,असार १।
चन्द्रगिरि नगरपालिका वडा नं. ५ गुर्जुधारामा मोटरसाइकल दुर्घटना हुँदा एक जनाको मृत्यु भएको छ भने एक जना घाइते भएका छन्।
दुर्घटनामा मृत्यु हुने मोटरसाइकल पछाडि सवार मकवानपुर घर भई चन्द्रागिरि नगरपालिका वडा नं. ३ थानकोटकी २० वर्षीया सुमित्रा मोक्तान रहेकी छन् ।
घाइते भएका मोटरसाइकल चालक थानकोट बस्ने २२ वर्षीय सरद राउतको रहेको छ भने उनको सहिद मेमारियल अस्पताल कलंकीमा उपचार भइरहेको छ ।
प्रहरी अनुसार गम्भीर घाइते भएकी मोक्तानको उपचारको क्रममा सहिद मेमारियल अस्पताल कलंकीमा मृत्यु भएको हो ।
ना ५ ख ५७७७ नम्बरको मालबहाक ट्रकलाई ओभरटेक गर्ने क्रममा प्र ३०२ ००९ प २० १३ नम्बरको मोटरसाइकल बिहीबार बिहान सवा १० बजे ठाक्किँदा दुर्घटना भएको थियो ।
घटनापछि प्रहरीले ट्रक चालकलाई पक्राउ गरेको छ।ट्रक र मोटरसाइकल नियन्त्रणमा रहेको प्रहरी वृत्त थानकोटले जनाएको छ ।
