मुक्तिनाथ युवा समुह गोकर्णेश्वरले प्रथम अन्तर बिद्यालय छात्रा फुटसल प्रतियोगिता गर्दै

कपन अनलाइन

काठमाडौं जेठ ३२  । गोकर्णेश्वर नगरपालिकामा प्रथम  अन्तर बिद्यालय छात्रा फुटसल प्रतियोगिता हुने भएको छ  । गोकर्णेश्वरको  मुक्तिनाथ युवा समुहको आयोजनामा  यही असार १ र २ गते  बेसिगाउ स्थित गोकर्णेश्वर फुटसलमा आयोजना गर्न लागिएको कार्यक्रम संयोजक संगम थापा श्रेष्ठले जानकारी गराए  ।

खेलकुदको विकास विद्यालय तहबाटै शुरु हुने भएकाले यसले खेलाडीलाई फुटबलमा लाग्ने प्रेरित गर्नुको साथै विधार्थीका बीचमा स्वस्थ्य प्रतिस्पर्धा, शारीरिक र मानसिक रुपमा दुरुस्त रहन यस्ता प्रतियोगिता सहयोगी हुने विश्वासका साथ प्रतियोगिताको आयोजना गर्न लागिएको समेत संयोजक श्रेष्ठले  जानकारी गराएका छन  ।

प्रतियोगितामा  प्रथम दितीय र तृतीय हुने टिमले ट्रफी मेडल र प्रमाण पत्र प्राप्त गर्नेछन भने  उत्कृष्ट खेलाडी उत्कृष्ट गोल रक्षक ,सर्वाधिक गोलकर्ताका साथै अनुशासित टिमलाइ ट्रफी प्रदान गरिने समेत आयोजकले जानकारी गराएको छ  । थप जानकारीको लागि सम्पर्क नं संगम थापा ९८६४५८९०७४