प्रथम विट्स एस इ इ फुटसल कप हुदै
कपन अनलाइन
काठमाडौं, जेठ २४ । काठमाडौं महानगरपालिका वडा नं ६ तीनचुलीमा संचालित विट्स एकेडेमी कलेजले प्रथम विट्स एस इ इ फुटसल कप आयोजना गर्ने भएको छ । विभिन्न विद्यालयबाट एस.इ.इ दिएर बसेका विद्यार्थीहरुलाई लक्षित गरि फुटसल खेलको पहुँच अभिवृद्धि गर्ने उदेश्यका साथ यहि असार १ र २ गते फुटसल प्रतियोगिता आयोजना गर्न लागिएको कलेजले जानकारी गराएको छ ।
प्रतियोगितामा प्रथम र दितीय हुनेले क्रमश नगद रु १५ हजार र १० हजार सहित मेडल र प्रमाणपत्र प्राप्त गर्नेछन भने भर्नामा पूर्ण छात्रवृत्ति प्रदान गरिने आयोजकले जानकारी गराएको छ । प्रतियोगितामा सहभागी हुनको लागि दर्ता शुल्क रु २ हजार कायम गरिएको र जेठ २८ गते सम्म दर्ता समय रहेको उक्त प्रतियोगिताको जेठ २८ गते खेलतालिका सार्वजनिक गर्नेकार्यक्रम रहेको पनि आयोजकले जानकारी गराएको छ । प्रतियोगिता ग्रीन फुटसलमा हुनेछ ।
