श्री टुसाल युथ क्लबले बौद्धनाथ क्षेत्र विकास कप सेभेन ए साइड खुल्ला फुटबल प्रतियोगिता गर्दै
कपन अनलाइन
काठमाडौं जेठ १८ । श्री टुसाल युथ क्लबले बौद्धनाथ क्षेत्र विकास कप सेभेन ए साइड खुल्ला फुटबल प्रतियोगिता २०८० आयोजना गर्ने भएको छ । खेलको माध्यमबाट आपसी भाइचारा मित्रता र सामाजिक सदभाब कायम गर्दै प्रतिभावान खलाडी उत्पादनमा सहयोग पुगोस भन्ने हेतुले बौद्धनाथ क्षेत्र विकास कप सेभेन ए साइड खुल्ला फुटबल प्रतियोगिता २०८० आयोजना गर्न लागिएको श्री टुसाल युथ क्लब का अध्यक्ष विजय लामाले कपन अनलाइनलाइ जानकारी गराए ।
विश्व सम्पदा सुचिमा सुचिकृत बौद्धनाथको प्रवर्द्धनमा समेत टेवा पुगोस भन्ने उदेश्यले प्रतियोगिता आयोजना गर्न लागिएको उनले जानकारी गराए जेठ ३१ गते देखि असार २ गते सम्म काठमाडौं महानगरपालिका वडा नं ६ स्थित बौद्ध टाउन प्लानिङमा आयोजना गर्न लागिएको उक्त प्रतियोगितामा प्रथम हुने टिमले नगद रु ५० हजार ५ सय ५५ रुपैया सहित ट्रफी मेडल र प्रमाणपत्र प्राप्त गर्नेछ भने दितीय हुने टिमले नगद रु २५ हजार ५ सय ५५ सहित ट्रफी मेडल र प्रमाणपत्र प्राप्त गर्नेछ ।
त्यसैगरि प्रतियोगितामा उत्कृष्ट खेलाडी उत्कृष्ट गोल रक्षक र उत्कृष्ट डिफेन्सलाइ समेत पुरस्कारको व्यवस्था रहेको आयोजकले जानकारी गराएको छ । उक्त प्रतियोगितामा सहभागी हुन चाहने टिमले जेठ २९ गते सम्म टिम दर्ता गरिसक्नु पर्ने र दर्ता शुल्क रु ५ हजार कायम गरिएको अध्यक्ष विजय लामाले जानकारी गराए । थप जानकारीको लागि सम्पर्क नम्बर
विजय लामा ९८४१४२१४२८ , सन्तोष लामा ९८४२५३५४३० , रबिन केसी ९८०३४५३०६६
