भिजन क्लब इन्टरनेसनल अन्तर्गतको भिजन क्लब अफ काठमाडौँ द्वारा खाद्यान्न वितरण

कपन अनलाइन

काठमाडौँ, जेठ १६ । सामाजिक तथा मानवीय सेवा गर्ने उदेश्यका साथ् खोलिएको  भिजन क्लब इन्टरनेसनल  अन्तर्गतको भिजन क्लब अफ काठमाडौँ ले खाद्यान्न वितरण गरेको छ ।

गणतन्त्र दिवसको अवसर पारेर काठमाडौँको नयापाटिमा रहेको दृष्टिबिहीन आमा घरमा आश्रय लिईरहेका   दृष्टि बिहिन  ज्येष्ठ नागरिक,  बालबालिकाहरुको  लागि एक छाक  भोजन र संस्थालाई आवश्यक पर्ने   खाद्यान्न  सहयोग गरेको क्लबले जानकारी गराएको छ ।

संस्थालाई चामल ,दाल, नुन, तेल लगायत दैनिक उपभोग्य खाद्य सामग्री वितरण गरेको क्लबले जानकारी गराएको छ ।उक्त संस्थामा करिब ४२ जनाले आश्रय लिईरहेका छन । स्थापना भएको छोटो समयमा नै भिजन क्लब इन्टरनेसनलले बिभिन्न सामाजिक कार्य गर्दै आइरहेको छ।भिजन क्लब इन्टरनेसनलका भी सी आइ बिष्णु बहादुर श्रेष्ठको संयोजकत्वमा भएको उक्त  कार्यक्रममा भिजन क्लब का पदाधिकारीहरुको उपस्थिति रहेको थियो ।