गोकर्णेश्वर – ३ को कुमारी गाम्चा बाख्रापालन महिला समूहलाइ उन्नत जातका घाँसको बीउ वितरण

कपन अनलाइन

काठमाडौं बैशाख ३० । गोकर्णेश्वर नगरपालिका वडा नं ३ ले किसानलाई उन्नत जातको घाँसको बीउ  निशुल्क वितरण गरेको छ ।  नगरपालिका कृषि शाखाको आर्थिक सहयोगमा गोकर्णेश्वर नगरपालिका वडा नं ३ कुमारी गाम्चा बाख्रापालन महिला समूह लाइ एक कार्यक्रमका बीच  उन्नत जातको घाँसको बीउ वितरण गरेको वडा सदस्य सचिन लामाले कपन अनलाइन लाइ जानकारी गराए ।

बीउ पाएपछि किसान उत्साहित भएका छन् । दिइएको बीउको सदुपयोग गर्न  वडा सदस्य सचिन लामाले कुमारी गाम्चा बाख्रापालन महिला समूहलाइ  आग्रह  गरेका छन । अनुदानले मात्रै केही नहुने भन्दै किसान जागरुक हुनुपर्ने सदस्य सचिन लामाले बताएका थिए ।  वितरण गरिएको  घाँसबाट पशुहरुलाई चाहिने अत्यधिक पोषण तत्व प्राप्त हुने र दुध उत्पादनमा बृद्धिका साथै मासुजन्य पदार्थको उत्पादनमा उल्लेखीय बृद्धि हुने  बिश्वास लिइएको समेत वडा सदस्य लामाको बिश्वास रहेको छ ।